食品安全,责任在谁?

http://news.gd.sina.com.cn 2012年06月27日01:26 金羊网-新快报

  上星期,有一位国家级德高望重嘅院士发表文章,认为“食品安全问题,唔应该归咎于政府”。其观点系:国家已经有法例且有相关机构监管,问题应该归结喺生产单位上。彭彭唔会全盘否定呢位院士嘅讲法,如果呢段文字放喺一个法制健全、监管得当、检测有效、惩处得力、有诚守信嘅基础上,我系认同嘅。但现时呢个基础唔具备,院士嘅观点无从谈起。

  彭彭斗胆喺度举例:制造假钞、贩卖毒品。呢啲同样系危害公众甚至国家安全嘅刑事案件,点解公众唔会将问题归咎喺政府头上呢?好简单,因为老百姓体会到公安部门打击上述案件嘅强硬力度,甚至亲眼见到警方破案系几咁勤力,亦都知道对于呢啲案件嘅定罪、判决有几重。已经用极刑惩处,如果仲有人以身试法去整假银纸、去贩毒,呢啲就已经唔系管理、法制嘅问题,而系犯罪分子与民为敌。老百姓会指责同联手打击嘅,系犯罪分子。

  而食物安全呢?边种食品、边间食肆出问题,几乎都系媒体先曝光,有关部门再跟住去扫荡。讲到日常监管,啲部门轻则就话“品种多,人手少”,再唔系就话“唔关我事”。相关处罚更加从来冇与时俱进,鲜见修改同更新。犯罪成本低、风险细,啲处罚简直系对无良商家嘅一种鼓励,正牌商人交嘅税都比违法商家罚嘅款多。面对执法者嘅态度同处理力度,作为老百姓,唔怪啲有关部门,唔责怪当地政府,佢哋可以追究边个呢?

  有啲地方更加打住“穷”嘅旗号,公然制假售假,破坏生态环境。当经济利益遇到任何问题时,经济利益大于一切。小则系村、镇,大则系地级市,堂而皇之撑起把“巨型保护伞”,保护住呢啲危害健康、破坏市场嘅行业。土地就卖得七七八八,大声叫“穷”就可以任意妄为。面对呢啲实际情况,唔通好似院士话斋,要生产者负责?简直系天方夜谭。

  ●网友你点睇

  @谢昊辉-墨风:如果法例和监督都没实效,要来何用!

  @天天Timson:食品不安全?人民为什么不吃特供食品呢?

  @M成年观众:如果媒体比监管部门先发现问题,就要生产者和监管部门一起吃掉食品,估计天下就太平了。

  你有嘢想讲?

  请上新浪微博@新快报阳光社区

微博推荐
网友评论
登录名: 密码: 记住登录状态 快速注册新用户
·城市对话改革30年 ·新浪城市同心联动 ·诚招合作伙伴 ·企业邮箱畅通无阻